© I Chjami Aghjalesi



U MIO CANTU

U mio cantu era pientu
Eppò mi ne sò scurdatu
Sol'appena di nustalgia
Una rima m'hè firmatu.

È stu cantu tù la sai
Solu à mè ùn appartene
U mio cantu hè un viaghju
È port'à chì vole vene.

U mio cantu hè fior di l'ochji
Porta basgi è strinte chjare
Un mazzulu di sulana
À tè per le stonde amare.

È stu cantu tù la sai
Solu à mè ùn appartene
U mio cantu hè un viaghju
È port'à chì vole vene.















CU mio cantu hè fior di l'acqua
È trascina tanta rise
Lu richjarghi lu to core
È t'anneghi d'allegria.

È stu cantu tù la sai
Solu à mè ùn appartene
U mio cantu hè un viaghju
È port'à chì vole vene.

U mio cantu hè sgalapatu
Ùn'hà nè versu nè manera
Puvarellu innamuratu
Ùn hà ch'à ellu per rigalu.

È stu cantu tù la sai
Solu à mè ùn appartene
U mio cantu hè un viaghju
È port'à chì vole vene.



© I Chjami Aghjalesi