© I Surghjenti

TÙ BABBU IN DICCIOTTU

Aviu cinqui anni,
Ùn sapiu perchè,
Pienghjia Zia Ghjustina
Incù Ziu Francè,
È mamma m'hà dittu
Perchè voli sapè
Si ghjà troppu afflitu
Sè capiscu bè
Saparè più tardi
Perchè Ziu Francè
Incù Zia Ghjustina
Dicia seti trè.

Tù babbu in dicciottu, fratellu in quaranta trè
È oghji figlioli, oghji tocca à tè.

In faccia à u caminu
Pienghjia Ziu Francè
È pò Zia Ghjustina,
Dicia o Ghjasè,
Perchè u scumpientu,
Ùn s'hè pres'à mè
Chì da'ssu mumentu
È persu ogni bè
Sè oghji in ramentu,
Ùn hè incù piacè
È solu chì sentu
'Ssi parolli in mè.

 

 

 

Tù babbu in dicciottu, fratellu in quaranta trè
È oghji figlioli, oghji tocca à tè.

È tù paisolu
Quandu mali c'hè
Porti u to dolu
L'addisperu in tè
Cum'è'ssi zitelli
Ch'anu cum'è mè
Vistu vichjulelli
Pienghji à ùn più pudè
È nò Zia Ghjustina
Avemu per tè
In core una spina
Ch'ùn si sà perchè...

Tù babbu in dicciottu, fratellu in quaranta trè
È oghji figlioli, oghji tocca à tè.
Tù babbu in dicciottu, fratellu in quaranta trè
È oghji figlioli, oghji induve sè.

© I Surghjenti